Cómic, ilustración e literatura en Galicia: da prensa escrita á novela gráfica actual

Abórdase de forma xeral a relación que existe entre a ilustración, a literatura e a banda deseñada, insistindo nas particularidades desta modalidade artística. Tras un breve percorrido histórico sobre os que se consideran os antecedentes da narración en imaxes, o estudo céntrase na vinculación do cómic coa prensa diaria e as revistas de publicación periódica, ademais de explicar as técnicas de reprodución que se empregaron para a difusión do xénero e os estilos dominantes a nivel global. Resúmese tamén a historia da banda deseñada galega dende o seu nacemento na década de 1970 até a actualidade, ofrecendo ao final unha selección dos creadores máis influentes no seu desenvolvemento, analizando os seus estilos respectivos e as principais referencias que se constatan nos seus traballos.

Section: Cómic e literatura